N4 logo

FIMMTUDAGUR 26. MAÍ 2022

Glimmer tónleikar á Hjalteyri

Glimmer tónleikar á Hjalteyri

N4 ritstjórn13.05.2022

Tónleikar sem fengið hafa heitið Glimmer verða haldnir í Verksmiðjunni á Hjalteyri föstudagskvöldið 13. maí. Þar  blandast saman mynd og hljóð. 

Tónleikarnir Glimmer verða haldnir í Verksmiðjunni á Hjalteyri föstudaginn 13 maí kl. 20.  Fram koma: Michaela Grill & Sophie Trudeau, Hafdís Bjarnadóttir & Brynjar Daðason, Guðmundur Ari Arnalds. 


Sophie Trudeau og Michaela Grill byrjuðu að vinna saman 2015 og eru þekktar fyrir tilfinningasama, lifandi tónlistar & myndgjörninga. Þær vinna einnig í sameiningu að innsetningarverkum með áherslu á náin tengsl myndar og hljóðs. Hljóðræn og myndræn könnun á heimi viðkvæmra samsetninga: laglína, skuggaspils og ennþá óþekktra minninga. Löngun til samruna, jafnvel fegurðar, segir í tilkynningu frá Verksmiðjunni. 
 

Tónleikar með sama nafni verða haldnir í Mengi, Reykjavík 15.05 kl. 20.   Þá stendur yfir yfirlitssýning Michaelu Grill í Verksmiðjunni en hún verður opin til 12.júní. 

Deila