Hilda Jana sækist eftir öðru sæti á lista Samfylkingarinnar í NA-kjördæmi

Hilda Jana sækist eftir öðru sæti á lista Samfylkingarinnar í NA-kjördæmi
Hilda Jana Gísladóttir

Hilda Jana Gísladóttir oddviti Samfylkingarinnar á Akureyri sækist eftir öðru sæti á framboðslista flokksins í Norðausturkjördæmi við komandi alþingiskosningar. Kjördæmisráð flokksins í kjördæminu fundar í kvöld, þar sem kosið verður um tillögu uppstillingarnefndar um framboðslistann.

Formaður flokksins, Logi Már Einarsson verður í fyrsta sæti og samkvæmt heimildum n4.is leggur nefndin til að Hilda Jana verði í öðru sæti. Hún staðfesti við n4.is vilja sinn til að skipa það sæti.

Samfylkingin er nú með tvo þingmenn í Norðausturkjördæmi. Albertína Friðbjörg Elíasdóttir sem skipaði annað sætið síðast, gefur ekki kost á sér til endurkjörs.