Hopp hjól komin til Húsavíkur

Hopp hjól komin til Húsavíkur
Mynd: nordurthing.is

N4 ritstjórn25.07.2022

Nú er hægt að leigja rafskútur frá Hopp á Húsavík. Sveitarfélagið Norðurþing undirritaði nýlega þriggja ára samning við fyrirtækið. 

Á heimasíðu Norðurþings segir: Við hjá Norðurþingi erum afar ánægð með að Hopp hafi ákveðið að bjóða upp á sína þjónustu á Húsavík og þar með boðið okkar fólki uppá grænan samgöngukost. Rafskútur eru þægilegur, nútímalegur og umhverfisvænn samgöngukostur sem heimamenn og okkar fjölmörgu gestir geta nú nýtt sér til að komast á milli staða," segir Bergþór Bjarnason, starfandi sveitarstjóri. 

 

Hopp var fyrsta fyr­ir­tækið sem opnaði rafskútuleigu á Íslandi. Það var árið 2019 í Reykjavík en nú eru hjólin aðgengileg í 14 bæjarfélögum á Íslandi. Rafskúturnar í eigu fyrirtækisins eru um 3000 talsins. 

 

Deila