Hvergi fleiri róbótar en í Bolungarvík

Hvergi fleiri róbótar en í Bolungarvík
Frá undirritun samningsins við Jakob Valgeir ehf á sjávarútvegssýningunni ICEFISH í Smáranum í Kópavogi.

N4 ritstjórn14.06.2022

Fyrir helgi undirritaði Samey Robotics samninga við tvö fyrirtæki í Bolungarvík,  Jakob Valgeir ehf  og Arctic Fish á um kaup á róbótakerfum.  Með kaupunum verður Bolungarvík það bæjarfélag landsins sem hefur flesta róbóta að störfum.

Fyrir helgi undirritaði Samey Robotics samninga við tvö fyrirtæki í Bolungarvík,  Jakob Valgeir ehf  og Arctic Fish á sjávarútvegssýningunni ICEFISH í Smáranum í Kópavogi um kaup á róbótakerfum. Í fréttatilkynningu frá Samey segir að Jakob Valgeir ehf hafi fjárfest í róbotakerfum fyrir hátæknifiskvinnslu sína í Bolungarvík sem er búin að vera í stöðugum vexti í mörg ár. Þessi lausn mun sjá um að pakka frosinni afurð í umbúðir fyrir útflutning og mun straumlínulaga alla pökkun. Kerfið er hannað til að vaxa með aukinni framleiðslu Jakobs Valgeirs og auðvelt er að bæta við kerfið samhliða auknum vexti fyrirtækisins,” segir Jón Ragnar Gunnarsson sölustjóri Samey Robotics ehf á Íslandi.

 

Bolungarvík verður hátæknisamfélag

Arctic Fish undirrituðu einnig tímamótasamning við Samey Robotics um kaup á kerfi sem getur staflað allri framleiðslu Arctic Fish á laxi í Bolungarvík á bretti með tveimur sjálfvirkum róbotakerfum. Samkvæmt útreikningum okkar verða þá fleiri róbotar að störfum í Bolungarvík en í nokkru öðru bæjarfélagi í heimi miðað við höfðatölu og setur það Bolungarvík í fremstu röð umbreytinga í átt að hátækni samfélagi með betri störf og meiri framleiðni," segir Kristján Ármannsson stjórnandi vélahönnunnnar hjá Samey Robotics.

 

Deila