Jarðtenging á Hjalteyri

Jarðtenging á Hjalteyri

N4 ritstjórn18.06.2022

Í dag opnar ný sýning í Verksmiðjunni á Hjalteyri.  Um er að ræða alþjóðlega samsýninguyngri kynslóðar listafólks. 

Myndlistarsýningin Jarðtenging / Grounded Currents opnar í Verksmiðjunni á Hjalteyri laugardaginn 18. júní klukkan 14 með verkum listafólksins: Maryse Goudreau, Hugo Llanes, Zinnia Naqvi, Sigrún Gyða Sveinsdóttir og Marzieh Emadi & Sina Saadat. Sýningin er alþjóðleg samsýning yngri kynslóðar listafólks. Þau vinna ekki út frá einni einstakri sameiginlegri hugmynd og verkin eru sum marglaga í merkingu sinni eða nokkuð flókin enda verður það helst ára staðarins & óvenjulegt rýmið sem að mótar öðru fremur umgjörð fyrir samstarf og heild og virkjar sköpunarkraftinn.
 

Listafólkið vinnur sjálfstætt á staðnum og/eða fyrirfram að nýjum verkum. Verksmiðjan er ekki aðeins rými sýningarstaðarins, heldur einnig rými athafna sem mótast og er mótað af tíma- og rýmisbundnum samskiptum. Verksmiðjan er óhefðbundið rými og ekki hlutlaust sem hefur fremur tekið mið af ljóðrænni afstöðu listamannanna sem þar haft sýnt og starfað. Listafólkið á ýmislegt sammerkt og eru að nokkru leiti valin út frá því: Þau vinna öll með videómiðilinn og þá líka teiknimyndir eða animation ásamt ýmsum öðrum aðferðum samtímalistar, þau eru með manneskjuna, samfélagið til athugunar og/eða umhverfið og náttúruna sem að á hug margra á þessum síðustu tímum. Sýningin stendur til 24. júlí og er opin daglega þriðjudaga til sunnudaga milli kl. 14 og 17. 

 

Deila