Lærðu að rappa á Akureyri

Lærðu að rappa á Akureyri
Tónlistarskólinn Púlz stendur fyrir ýmsum tónlistarnámsskeiðum. Þessi mynd er tekin á Dj námskeiði hjá skólanum. Mynd: Facebooksíða Púlz

N4 ritstjórn13.06.2022

Tónlistarmaðurinn Steinar Fjeldsted ætlar að kenna norðlenskum krökkum að semja, syngja og koma fram í rapp-listasmiðju sem hefst á Akureyri á morgun. 

Tónlistarskólinn Púlz kemur norður og heldur heljarinnar Rapp-listasmiðju í tilefni Listasumars. Þar verður meðal annars farið yfir lengd takta (bars) og hvernig textinn passar taktinum hverju sinni. Skoðað verður hvernig á að beita orðum á réttum stöðum (punchlines), fara frá rappi yfir í viðlag, flæði kannað og grunnur lagður að haldbærri kunnáttu á rímum. Einnig verður farið yfir framkomu, en rapp hefur ávallt verið tónlist tjáningar og er framkoma stór partur af henni. Tilbúnir taktar verða í boði Púlz sem henta sérstaklega byrjendum. Jafnframt verður hægt að búa til sína eigin takta með aðstoð leiðbeinanda, sem passa við textann og flæðið.

 

Sjálfstætt sköpunarferli

Hjá tónlistarskólanum PÚLZ er lögð mikil áherslu á sjálfstætt sköpunarferli þar sem allt er leyfilegt, alveg eins og í rapptónlist. Það er enginn annar en Steinar Fjeldsted sem kennir þessa flottu listasmiðju en flestir þekkja hann úr hljómsveitinni QUARASHI. Steini er frumkvöðull þegar kemur að Íslensku rappi en hann og félagar hans í Quarashi eiga þann heiður að hafa gefið út fyrsta Íslenska rapplagið, Switchstance. Steini hefur ferðast út um allan heim, spilað fyrir framan mörg hundruð þúsund manns og unnið með heimsfrægu tónlistarfólki. Nánari upplýsingar um tímasetningar og skráningu er HÉR

 

 

Deila