Ný afþreying á Akranesi - Hoppað í sjóinn

Ný afþreying á Akranesi - Hoppað í sjóinn
Hjá Hoppland er hægt að láta sig gossa í sjóinn úr allt að 10 metra hæð. Mynd: Hoppland

N4 ritstjórn12.06.2022

Á Bryggjunni við Slippinn á Akranesi er búið að setja upp dýfingarpalla og trampolín. Það er fyrirtækið Hoppland sem býður þar upp á hopp í sjóinn og námskeið fyrir krakka. 

Þetta er til á öllum Norðurlöndunum, okkur fannst vanta að koma þessu heim," segir Konni Gotta sem stendur á bak við fyrirtækið Hoppland ásamt kærustunni Jódísi Lilju Jakobsdóttur. Parið hefur í mörg ár haft áhuga á alls kyns hoppum og klifri. Fyrsta deitið okkar var að hoppa í sjóinn," segir Konni.

-En hvernig byrjaði þessi áhugi?

Ég  er frá Ólafsfirði og þar er maður ekkert að fara í bíó eða svoleiðis, en maður getur farið að hoppa af skipum, " segir Konni. 

 

Krakkar sigrast á lofthræðslu og kvíða

Hoppland er með dýfingarpalla í mismunandi stærðum og trampolín. Blautgallar eru í boði fyrir gesti og svo er bara að hoppa í sjóinn. Þá er hægt að skella sér í heitan pott á bryggjunni á eftir. 

Við erum með námskeið þar sem krakkar fá að sigrast á lofthræðslu, kvíða og alls konar svoleiðis veseni." 

 

Þátturinn Að Vestan kíkti í heimsókn og prófaði þessa skemmtilegu afþreyingu sem verður án efa vinsæl í sumar. Sjá  myndbrotið hér fyrir neðan. 

 

Deila