Lögð verður áhersla á að að mannvirkin á staðnum falli sem best að landslagi og raski á skógi verði haldið í lágmarki. Landið sem um ræðir er í Eyjafjarðarsveit og hefur sveitarstjórn samþykkt að kynna skipulagsbreytingu vegna deiliskipulags og breytingar á aðalskipulagi vegna þessara áforma Skógarbaða ehf. 
 
Hjónin Sigríður María Hammer og Finnur Aðalbjörnsson á Akureyri hafa leitt undirbúning þessa verkefnis. 
 
 Fyrstu gestirnir 2022 
 
„Ef allt gengur eftir, gætum við verið að tala um að verklegar framkvæmdir hefjist næsta vor, núna stendur yfir vinna við að teikna og hanna þetta allt saman. Ef allt gengur að óskum, verður hægt að taka á móti fyrstu gestum baðstaðarins 2022 við gerum ráð fyrir að böðin geti tekið á móti 180 manns í einu, húsakosturinn verði um 600 fetrar og laugarnar um 400 fermetrar. 
 
Góðar viðtökur 
 
Þar sem verkefnið hefur verið kynnt, hafa viðtökurnar verið afskaplega jákvæðar, þannig að við erum bjartsýn á þetta allt saman, enda vantar klárlega öflugan segul í ferðaþjónustunni hérna á Eyjafjarðarsvæðinu,“ segir Finnur Aðalbjörnsson í samtali við n4.is 
 
Mynd/afstöðumynd af landinu þar sem Skógarböð ætla setja upp baðstaðinn