Berglind Sigurðardóttir bóndi og heilari á Refsstað í Vopnafirði er gestur þáttarins. Hún hefur sinnt ótal störfum frá 14 ára aldri enda ósérhlífin og harðdugleg. Einn daginn sagði líkaminn svo stopp og nú er hún að takast á við breyttan veruleika. Umsjón hefur María Björk Ingvadóttir

Mín leið - Berglind Sigurdardottir

Sólborg Guðbrandsdóttir, rithöfundur, söngkona, áhrifavaldur og lögfræðinemi kemur í viðtal til Ásthildar og segir okkur frá sinni leið.

Mín leið - Sólborg Guðbrandsdóttir

Eyjólfur Guðmundsson rektor Háskólans á Akureyri segir Maríu Björk frá sinni leið í lífinu og hvernig hún leiddi hann til Akureyrar í þetta starf.

Mín leið - Eyjólfur Guðmundsson

Arnar Máni Ingólfsson er 22ja ára gamall samkynhneigður karlmaður sem hefur allt sitt líf fundið fyrir fordómum en sérstaklega eftir að hann "kom útúr skápnum" eins og hann kallaði það. Við fáum að heyra hans leið í þættinum Mín Leið á miðvikudaginn 20.október kl.20:00
Umsjón: Ásthildur Ómarsdóttir

Mín leið - Arnar Máni Ingólfsson

Gestur Ásthildar Ómarsdóttur í þessum þætti er Sólveig K. Pálsdóttir markaðs-og kynningarstjóri 
Ljóssins sem hefur farið óvenjulega leið til þess að komast í gegnum glímuna við krabbamein.

Mín leið - Sólveig K.  Pálsdóttir

Gunnlaugur Björn Jónsson arkitekt opnaði fyrir tæpum 10 árum fyrstu arkitektastofuna á sunnanverðum Vestfjörðum. Leiðin þangað lá frá Reykjavík í gegnum Kaupmannahöfn og til Patreksfjarðar. Umsjón María Björk

Mín leið - Gunnlaugur Björn Jónsson

Mín Leið - Greta Mjöll

Mín leið - Sara Atladóttir

Heimsækjum unga prestinn Dag Fannar Magnússon á Heydölum í Breiðdal. Hvernig er að vera ungur prestur í fámennri sveit? Dagur er ásamt öðrum ungum presti að austan með hlaðvarpið Kirkjucastið, en nýverið vöktu þeir mikla athygli fyrir umræður um kynlíf og sjálfsfróun sem fóru fyrir brjóstið á einhverjum. Dagur hefur skemmtilega sýn á lífið og tilveruna og fer svo sannarlega sínar eigin leiðir, líka í formföstu prestastarfinu.

Mín leið - Þáttur 2

Er til ein rétt leið í lífinu?
Ef svo er, afhverju ætti hún þá að henta öllum?

Í þáttunum Mín leið kynnumst við einstaklingum sem hafa farið sínar eigin leiðir í lífinu
og náð árangri. Hvetjandi frásagnir sem miða að því að hjálpa áhorfendum að fylgja eigin sannfæringu og finna þannig sína eigin leið í lífinu.

Í fyrsta þætti verða:

Sigrún Lára Shanko lærði ung að vinna með flos hjá móður sinni og sýndi strax mikla færni. Lífið fór með hana í ýmsar áttir þar sem hún sinnti listinni með hjálp mismunandi miðla. Hún komst þó aftur í tengingu við flos og hefur unnið mörg þekkt verk með tengingar í íslenska náttúru og þjóðsögur. Sigrún Lára er einn færasti listamaður landsins á sínu sviði og hefur sýnt útum allan heim á listasýningum. Í þættinum fáum við að heyra hennar sögu og hvernig hún hefur fetað sína eigin leið á toppinn í sínu fagi.

Auður Vala Gunnarsdóttir fimleikaþjálfari og Helgi Sigurðsson tannlæknir keyptu gamla frystihúsið af Borgarfjarðarhrepp árið 2006 og hófu þá framkvæmdir. Í dag eru þau eigendur af Blábjörgu sem er hótel, veitingastaður og spa á Borgarfirði Eystra. Auður og Helgi eru miklir frumkvöðlar með stórar hugmyndir sem tjalda ekki til einnar nætur og eru nú að stækka við hótelið ásamt því að opna bruggsmiðju fyrir landa, gin og bjór í gamla Kaupfélagshúsinu. Hér heyrum við söguna af þeirra ævintýr og hvernig þau hafa látið drauminn rætast samhliða vinnu og fjölskyldulífi.